Nú er ég búin að vera "lokuð inni" í 6 daga. Er með eina litla lasarus prinsessu sem er búin að vera með leiðinda flensuskít.
Óhætt að segja að gráu hárin hafa aukist á þessum 6 dögum og ég er orðin eitthvað mygluð að innan af súkkulaði áti og hreyfingaleysi.
Er búin að panta tíma hjá lækni í dag, vonandi getur hún eitthvað flýtt fyrir bata hjá litlu músinni minni.

Högni er á leiðinni til Englands á morgun það eru því mörg kerlingamynda kvöld fram undan. Mike vinur minn mun sennilega koma eitthvað í heimsókn á meðan Högni er í burtu en hann er mjög svalur gaur, já bara ferlega fínn og sannur vinur. Hann var duglegur við að sjarma Ástu og Ragnheiði upp úr skónum í Florida.

Annars er allt hvítt úti. Minnir mikið á Akureyri á fallegum vetrardegi. Ég reyni að láta sumarstelpuna ekki koma upp í mér og grömpast út í snjóinn en stundum sest hún á hægri öxlina og fer að þusa í eyrað á mér einhverja sól og sumar drauma. Annars finnst alltaf jafn fyndið að sjá sumarvörurnar streyma inn í búðir hérna í janúar. Bikini, stuttbuxur, minipils, sumarkjóla, hlýraboli...you name it...það er komið í búðirnar núna. Ég held að ég eigi seint eftir að venjast því að kaupa hluti 4-5 mánuði fram í tímann.